Transfer dövrünü bitirən, nələrisə itirən "Xəzər Lənkəran"

Artıq Azərbaycanda yay transfer dövrü Avqust ayının son günü və günün son saatında  yəni 31 Avqustda bitti. Gözlədiyimiz gurultulu transferlər də olmadı ki, bu 10 illik yubileydə qızəllara ümid edək. Amma bilirik ki, bu il Azərbaycan çempionatı 10 komandadan ibarətdir və 4 dövrədə keçiriləcək. Hələ qarşıda qış transfer pəncərəsi də açılacaq ki, həmin dövrdən səmərəli istifadə etsək, finişdə nəyə isə ümid bağlamaq olar.

Nə səbəb oldu ki, bu yay transfer dövründə komanda gözlədiyimiz kimi gücləndirilə bilmədi? Bunun çeşidli səbəbləri haqda çox yazılıb və yazılmayan çox xəbərlər də dolaşıb. Artıq bu barədə çox şeylərdən xəbərdarıq. Amma Nildo, Benouahi, Ramaldanov və Toşakın gətirdiyi Qliqorovun müasir futbolda orta-aşağı səviyyəli futbolçular sayıldığını bilirik. Yəqin ki, sizlər də bu fikirlə razı olarsınız. Elə komandamızdan gedənlər də səviyyəcə bunlardan fərqli deyildi. Deməli, bunların hesabına komanda gücləndi deyə bilmərik.

Amma təxminən onlarla eyni dövrdə gələn qapıçı Duqlas Leyte son transferlər olan Etame Mbilla, Deyvid Sacconi və Edu Qarsiya fikrimizcə orta səviyyəli futbolçulardır. Bu 4 orta səviyyəli futbolçular təxminən əsas heyətin 30%-dən bir qədər çoxunu təşkil edir. 30%-dən bir qədər çox hissəsinin dəyişməsinin hər hansı komandanı gücləndirməsi haqda isə fiki yürütmək mümkündür. Yetər ki, adlarını çəkdiyimiz bu futbolçular imkanlarının yüksək səviyyəsini ortaya qoya bilsinlər və təbii ki, komandaya, yeni gəldikləri məkana tez uyğunlaşa bilsinlər. Hər halda əvvəl göstərdikləri performansa görə buna ümid edirik.

“Qarabağ”la oyunun ikinci hissəsində ilk dəfə əsas heyətimizdə ölkəyə gəldiyi bir neçə günün olmasına baxmayaraq, Mbilla Etamenin oyunda yaratdığı dönüşün hamımız şahidi olduq. Həmçinin qapıçı Duqlas Leyte də “Fənərbaxça” ilə yoldaşlıq görüşündə öz səviyyəsini yaxşı mənada göstərə bildi. Arzu edirik ki, sonra komandamıza qoşulan digər iki futbolçu da bu mənada fərqlənəcəklər. Təkcə Etame oyunda dınüş yarada bildisə, onda bu dördlükdən çox şey gözləyə bilərik. Komamandamızın köhnə üzvləri də onların tempinə düşüb oyun planında artıracaqlarsa, onda nəyə isə ümid etmək olar. Burda Toşakın təcrübəsi də böyük rol oynamalıdır. Komandanın düşdüyü qara zolaqdan çıxması onu tələb edir ki, bu yeni dörd, səviyyəcə üstün olan futbolçuları komandaya uyğunlaşdırmaqla deyil, bu dörd yeni ruhda olan futbolçuların üzərində oyunu qursun və ruhu, belə demək mümkünsə, ölmüş komandanın keçmiş üzvlərini onlara uyğunlaşdırsın. Komandanın tərcüməçisi və dəyərli üzvü Elvar Quliyevdən də xahiş edirik ki, bizim bu fikirləri diqqətlə oxuyub Con Toşaka çatdırsın. Bizcə Toşak da bu barədə fikirləşsə bunun komandaya xeyri dəyər.

Qaldı ki, komandanın köhnə üzvlərindən olan Elnur Allahverdiyevin uzaqlaşdırılmasına, bu barədə də bir iki kəlmə demək olar. Elnur, son illər Azərbaycan futbolunun yetişdirdiyi yaxşı futbolçulardan sayılır. Onun əvvəllər çıxış etdiyi komandalarda parlaq oyunu, elə “Xəzər Lənkəran”a gəldiyi ilk dövrlərdəki oyunu hamını razı salırdı. Bir müddət əvvəl komandamızda baş qaldıran intizamsızlıqlar üzündən sanki bu futbolçunun həm futbol, həm də dərrakə müvazinəti pozuldu. Mirça Rednikin güclü intizam tələbləri qarşısında bu müvazinət qismən tarazlaşsa da ondan sonra gələn xaotik dövrdə Allahverdiyevin müvazinəti darmadağın oldu. Xarakteri ona inkan vermədi ki, səbrini cilovlamağı bacarsın. Azarkeşlərlə münasibət pozulunca, rəqib azarkeşlərin də təzyiqinə dözə bilmədi. Bundan istifadə edən rəqib azarkeşlər, onun bu zəif damarından məharətlə istifadə etməyə başladılar. Təkcə “Qarabağ”la son oyunda rəqib azarkeşlərin söyüşləri ilə oyundan qopan Allahverdiyev, oyunun gedişində meydanda topa yox, başını tribunalara tərəf qaldırıb, onu söyən azarkeşlərə cavab verməklə məşğul idi. Ona görə də həmin matçda onun oyunu alınmadı. Hətta oyuna yenicə daxil olmuş Etame də bir neçə dəfə boş mövqeyə açılarkən ona pas verməyən Allahverdiyevə irad tutmalı olurdu. Bunların səbəbi Elnurun artıq təzyiq altına düşməsi səbəbindən oundan qopması idi. Əlbəttə professional bir futbolçunun, özü də millinin üzvü olan birisinin oyunda necə təmkinli və soyuqqanlı olması haqda danışmaq artıqdır. Bu xüsusiyyətlərə görə yəqin ki, Con Toşak da onu komandadan uzaqlaşdırmaq qərarına gəlib. Yerli oyunçulardan bu mənada seçilən və nümunə ola bilən hazırda “Qarabağ”ın futbolçusu olan Rəşad Sadıqovdur. Millidə bir yerdə, özü də yaxın mövqedə oynayan komanda yoldaşından Elnur çox şey öyrənməliydi…

Müəllif: Mirhafiz Babayev