Premyer Liqanın XVIII turu çərçivəsində “Xəzər Lənkəran“ komandası dekabrın 20-də “Sumqayıt” klubunu “Fırtınalar meydanı”nda qəbul edəcək. Statistik hesablamalara görə bu qarşılaşma komandamızın Sumqayıt şəhərini təmsil edən futbol klubları ilə ümumilikdə 20-ci matçı olacaq. Qeyd edək ki, 2004-cü ildən bəri “Xəzər Lənkəran” komandası Sumqayıtın “Gənclərbirliyi”, “Standard”, “Sumqayıt Şəhər” və “Sumqayıt” klubları ilə üst-üstə 19 dəfə üz-üzə gəlib. Bu qarşılaşmaların 12-də qalib gələn komandamız yalnız bir dəfə, 2013-cü il may ayının 13-də ilk dəfə Sumqayıt təmsilçilərinə məğlub olub. Cütlüyün 6-matçında qalib müəyyənləşməyib. “Xəzər Lənkəran” Sumqayıt təmsilçilərinin qapısından keçirdiyi 45-topun qarşılığında öz qapısında cəmi 10-top görüb. Onu da əlavə edək ki, cütlüyün 18-oyunun 16-sı çempionat və cəmi 2-si isə kubok matçları olub. Daha çox diqqət çəkən məqam odur ki, “Xəzər Lənkəran” iki mövsümdür ki, “Sumqayıt”ı məğlub edə bilmir. Komandamız sonuncu dəfə “Gənclik şəhəri”nin təmsilsisini 2011/2012 mövsümündə (2012-ci mart ayının 3-də) 3:0-hesabı ilə məğlub etmişdi. O vaxtdan bu yana, ötən mövsümdə keçirilən 5-oyunun 4-də heç-heçə qeydə alınıbsa bir qarşılaşmada hətta “Sumqayıt” minimal hesabı ilə qalib gəlib.
Səhifəni hazırladı: NƏBİOĞLU
| Mövsüm | Turnir | Rəqib | Hesab | o | q | h | m | vt | bt | |
| 2004/05 | Çem | Gənclərbirliyi | 6 | 0 | 1 | 1 | 0 | 0 | 6 | 0 |
| 2004/05 | Çem | Gənclərbirliyi | 5 | 0 | 1 | 1 | 0 | 0 | 5 | 0 |
| 2005/06 | Çem | Gənclərbirliyi | 0 | 0 | 1 | 0 | 1 | 0 | 0 | 0 |
| 2005/06 | Çem | Gənclərbirliyi | 1 | 0 | 1 | 1 | 0 | 0 | 1 | 0 |
| 2006/07 | Çem | Gənclərbirliyi | 3 | 0 | 1 | 1 | 0 | 0 | 3 | 0 |
| 2006/07 | Çem | Gənclərbirliyi | 3 | 1 | 1 | 1 | 0 | 0 | 3 | 1 |
| 2007/08 | Çem | Gənclərbirliyi | 2 | 1 | 1 | 1 | 0 | 0 | 2 | 1 |
| 2007/08 | Kub | Gənclərbirliyi | 4 | 1 | 1 | 1 | 0 | 0 | 4 | 1 |
| 2007/08 | Kub | Gənclərbirliyi | 5 | 0 | 1 | 1 | 0 | 0 | 5 | 0 |
| 2007/08 | Çem | Gənclərbirliyi | 5 | 0 | 1 | 1 | 0 | 0 | 5 | 0 |
| 2009/10 | Çem | Standard | 2 | 1 | 1 | 1 | 0 | 0 | 2 | 1 |
| 2009/10 | Çem | Standard | 0 | 0 | 1 | 0 | 1 | 0 | 0 | 0 |
| 2011/12 | Çem | Sumqayıt şəhər | 2 | 1 | 1 | 1 | 0 | 0 | 2 | 1 |
| 2011/12 | Çem | Sumqayıt | 3 | 0 | 1 | 1 | 0 | 0 | 3 | 0 |
| 2012/13 | Çem | Sumqayıt | 1 | 1 | 1 | 0 | 1 | 0 | 1 | 1 |
| 2012/13 | Çem | Sumqayıt | 2 | 2 | 1 | 0 | 1 | 0 | 2 | 2 |
| 2012/13 | Çem | Sumqayıt | 0 | 0 | 1 | 0 | 1 | 0 | 0 | 0 |
| 2012/13 | Çem | Sumqayıt | 0 | 1 | 1 | 0 | 0 | 1 | 0 | 1 |
| 2013/14 | Çem | Sumqayıt | 1 | 1 | 1 | 0 | 1 | 0 | 1 | 1 |
| CƏM | 19 | 12 | 6 | 1 | 45 | 10 |
“Sumqayıt” “Xəzər Lənkəran”a heç vaxt güclü rəqib olmayıb. Odur ki, mütləq qələbə qazanacağıq. Uğurlar “Xəzər Lənkəran”ımıza!