Buradasınız Əsas » Rəylər » Mövsümə qələbə ilə başladığına görə “Xəzər Lənkəran”ın baş məşqçisi Mirça Rednikə Təşəkkür məktubu
  • Bookmark and Share

Mövsümə qələbə ilə başladığına görə “Xəzər Lənkəran”ın baş məşqçisi Mirça Rednikə Təşəkkür məktubu 

Bosman loqo XL loqolu

Mirca_Rednik el eleyir

Mövsümə qələbə ilə başladığına, həmçinin gözəl bir komanda formalaşdırmaqda olan “Xəzər Lənkəran”ın baş məşqçisi Mirça Rednikə Təşəkkür məktubu

2009/2010 mövsümü həm çempionluğun, həm kubokun son anda əldən verilməsi və həm də Avropa liqası 2010/2011 mövsümünün komandamız üçün uğursuz nəticələnməsi, biz “Xəzər Lənkəran” azarkeşlərini xeyli dərəcədə pərişan etmişdi. Builki mövsüm üçün sevimli komandamızın bu olanlardan sonra düşdüyü psixoloji vəziyyətin necə aradan qaldırılacağı və toparlanaraq əvvəlki iddialı bir “Xəzər Lənkəran”a çevriləcəyi, bununla da yenidən inkişaf yolunu davam etdirəcəyi, bütün azarkeşlərimiz kimi “Bosman” fanklubunu da ciddi narahat edirdi. Belə bir ərəfədə klub rəhbərliyinin komandanı və onun azarkeşlərini düşünərək atacağı hər hansı addım çox nigarançılıqla gözlənilməkdə idi.

Mövsümün startına sayılı günlərin qaldığı bir zamanda klub rəhbərliyinin Mirça Redniklə anlaşmasının nəticəsini hamı kimi “Bosman” fanklubu da səbirsizliklə gözləyirdi. M.Rednikin gəldiyi gündən komandanı qəbul edərək, çıxardığı ilk məşqdən bu günə qədər olan bütün prosesləri izləyərək, onun komandamızla birgə nələrə imza ata biləcəyini daim müzakirə edən fanklubumuz, nikbin nəticəyə gələ bilmişdi. Mirça Rednikin keçdiyi məşqləri yaxından izləyən, onun futbolçu və sonradan məşqçilik karyerası ilə tanış olan, həmçinin Rumıniya mətbuatının onun demək olar bütün addımlarını diqqətlə izləməsini nəzərdən qaçırmayan fanklubumuz bu məşqçidən çox şey gözləyir və klub rəhbərliyinin nəyə görə bu mütəxəssisə üstünlük verdiyini haqlı sayır.

Mövsümün ilk turunda, vaxt azlığından təlim məşq toplanışı keçirmədən, demək olar heç bir yoxlama və ya yoldaşlıq oyununa çıxmadan ağıllı, təmkinli, texnikalı, gücün bütün oyunboyu bərabər və düzgün paylanmasına hesablanan, boşluqlara yol verməyən panikaya düşməyən və öz gücünə inanan bir komanda formalaşdirmaqda olan və göstərilən keyfiyyətlərin hesebına doğma azarkeşlərinə maraqlı dəqiqələr və qələbə sevinci yaşatdığına görə bütün komandaya, başda Mirça Rednik olmaqla təşəkkür edirik.

Həmçinin onu da başa düşürük ki, hələ transfer çalışmalarının davam etdiyi, bundan sonra komanda üzvlərinin bir birinə tam uyğunlaşma prosesinin başa çatmadığı bir məqamda bu qələbənin memarı, bu prosesləri müvəffəqiyyətlə başa çatdıracaq və bizə çox güclü, Avropada söz deməyi bacaran bir “Xəzər Lənkəran” bəxş edəcəkdir.

“Xəzər Lənkəran” azarkeşləri, “Xəzər Lənkəran” məşqçi-futbolçu heyəti, “Xəzər Lənkəran” rəhbərliyi, ümumilikdə böyük bir “Xəzər Lənkəran Ailəsi” daim qələbələrə və zirvələrə layiq olduğunu sübut edəcək!

 

 

          Hörmətlə: “Bosman” Fanklubunun İdarə Heyəti.                           08 Avqust 2010.

 

Arxiv: Bosman.at.ua

Şərh yazıya: Mövsümə qələbə ilə başladığına görə “Xəzər Lənkəran”ın baş məşqçisi Mirça Rednikə Təşəkkür məktubu

  1. Bossman

    Dr.Mirhafiz (09/Avq/2010 12:35)
    Bu məktub “Bosman” fanklubunun idarə heyəti tərəfindən hazırlanaraq, 08 avqust 2010-cu il tarixində “Xəzər Lənkəran” klubunun icraçı direktoru Höccət Hacıyevə təqdim olunmuşdur.
    Məktubun komandamıza dəstək, eyni zamanda ruh yüksəkliyi yaradacağı baxımından təsirini, həmçinin azarkeşlərin daım öz sevimli komandalarına biganə olmadığının təzahürü kimi qiymətləndirərək, fanklubumuz bu addımı atmağı lazım bilmişdir.

     

Şərh əlavə et


+ doqquz = 15