Ad Günün Mübarək, Elvar Bəy! Bu ad günü mərasimi komanda ilə birlikdə (Fotolar)

Bu günü “Xəzər Lənkəran” ailəsində xoş bir gün hesab etmək olar. Çünki bu böyük ailədə hamının sevimlisi və xüsusi hörmət bəslədiyi bir insan doğum gününü qeyd edir. Bu şəxsin Elvar Quliyev olduğunu desək, əlbətdə hamı ona ən xoş ürək sözlərini bildirəcək. Çünki bu şəxs yorulmadan “Xəzər Lənkəran” üçün can yandıran bir insandır. Bunu sıravi azarkeşdən tutmuş klubumuzun rəhbərliyinə qədər hamı təsdiq edər.
Elvar bəy işinə çox diqqət və hörmətlə yanaşan bir insandır. Komandamızın sevincli anlarında onun necə uşaq kimi sevindiyinin dəfələrlə şahidi olmuşuq. Çətin günlərində isə necə pərişan olduğunun və hətta qəhərləndiyinin şahidi olmuşuq. Bax bizim belə kadrlara həqiqətən də böyük ehtiyacımız var. Bu cür can yanğısı ilə işinə yanaşan və peşəkarlığına heç bir şübhə olmayan belə bir insanlardan təşkil olunduğuna görə bütün  “Xəzər Lənkəran” ailəsi fəxr edə bilər və əlbətdə ki, daim inkişafda ola bilər.
Təsadüfi deyil ki, onun əməyini qiymətləndirdiyimizə görə ikl il ğncə, saytımız Elvar bəydən geniş müsahibə götürmüşdü. Müsahibədə saytımızın “Elvar bəy, neçə dil bilirsiniz?” sualına o, ilk olaraq ana dillərini, Talış və Azərbaycan dillərini saymaqla başlamış və yeddi dil bildiyini söyləmişdi. Biz isə onun hər kəslə ünsiyyət qura bilməsini və hər kəslə dil tapa bilməsini də bura əlavə edib, onun səkkiz dil bilməsini iddia edə bilərik.
Sentyabrın 20-də 32 yaşını qeyd edən Elvar bəyə ad günün mübarək, deyirik! Sizə saytımız və “Bosman” fanklubu adından ən xoş arzularımızı çatdırır, uzun mənalı ömür və bütün işlərində müvəffəqiyyət arzu edirik. Onu da arzu edirik ki, canınız qədər sevdiyiniz “Xəzər Lənkəran” daim sizi sevindirsin.
“Bosman” Fanklubu 20. 09. 2013